Wasu fassanjoji biyu ‘yan asalin kasar jamus dake zaune kusa da mutumin, sun fada masa ya daina tusa, amma yaki dainawa ya cigaba da sakin ta a jirgin kamfanin Transavia.
Wani jirgin sama mai dauke da fasinjoji daga Dubai zuwa garin Amsterdam yayi saukar gaggawa yayin da wani fasinja dake cikin jirgin yayi ta sakin tusa ana sararin samaniya.
Wasu fassanjoji biyu ‘yan asalin kasar jamus dake zaune kusa da mutumin, sun fada masa ya daina tusa, amma yaki dainawa ya cigaba da sakin ta a jirgin kamfanin Transavia.
Ana zargin cewa ma’aikatan cikin jirgin basu kawo mafita ga fasanjojin dake zaune kusa da mutumin ba duk da korafin da suke tayi.
Jaridar Metro ta ruwaito cewa hakan ya sa fada ya kaure tsakanin fasanjojin amma duk da cewa direban yayi ta ja musu kunne, hakan bai hana fadan ba, lamarin da yasa jirgin ya chanza hanya zuwa filin saukar jiragen kasa na Vienna, inda jirgin yayi saukar gauggawa.
Bayan saukar jirgin sai ‘yan sanda biyu suka fitar da wasu mata biyu da maza biyu wadanda direban jirgin yace su suka jawo wannan fada.
An saki fasanjojin su 4 daga hanun ‘yan sandan ba tare da an tuhume su ba, amma dai an haramta masu shiga jirgin saman Transavia na gaba.