Sani Danja ya sanar da wannan labari mai dadi a shafin sa na Instagram inda sauran abokan aikin sa da ma'abotan shafin sa suke ta masa murna.
Shahararren jarumi kuma mawaki Sani Danja ya kara samu daukaka inda hukumar tace fina-finai na kasa ta kaddamar dashi a matsayin jakada.
Tauraron wanda ake ma lakabi da "Dan zaki" ya kara samu aikin jakadancin cikin jerin hukumomi da ma'aikata da yake wakilta.
Jarumin ya sanar da labarin haka a shafin sa na Intagram. A kwannan baya jarumin ya zama jakadan fannin kafa manufa ta samun cigaban zamani na majalisar dinkin duniya. Ya samu matsayin tare da abokan sana'ar shi Yakubu Muhammed da Uzee Usman.
Sakamakon sanarwarda yayi, sauran abokan huldar shi sun tayi shi murna tare da wallafa hoton shi a shafukan su.
A sakon da ya wallafa a shafin sa na Instagram, Ali Nuhu, ya taya shi murna tare da karfafa gwiwar sa wajen farfado da martabar harkar fim.
Ana sa ran cewa da wannan sabon matsayin da ya samu zai taimaka wajen farfado da martabar dandalin fina-finai na Kannywood da sauran ma'aikata dake fadin kasa.