Tabbatar da tsaro: Dangote ya mika motoci 150 kyauta ga yan sanda

Domin tabbatar da tsaro a kasa, Dangote ya baiwa hukumar yan sanda motoci 150 kyauta

Shugaban kamfanin Dangote Alhaji Aliko Dangote karkashin gidauniyar shi mai suna Dangote Foundation ta mika ma hukumar yan sandan Nijeriya motoci 150 kyauta.

Wannan matakin ya biyo ne don tallafa ma jami'an tsaron wajen tabbatar da tsaro a kasar.

Dangote ya mika motocin ga hukumar a garin Abuja ranar laraba 30 ga watan Mayu.

Mataimakin shugaban kasa, Farfesa Yemi Osinbajo ya kaddamar da motocin a bikin kaddamarwa da ala shirya a filin taro na Eagle square.

Manyan jami'an gwamnati da suka halarci wajen kaddamar da motocin sun hada da sufeton yan sandan Nijeriya, Ibrahim Idris da sakataren gwamnatin tarayya, Boss Mustapha da Ministan ayyukan cikin gida, Abdulrahman Danbazau.