Labarin cikin hotuna: Buhari, gwamnoni sun halarci shagalin bikin auren diyar mataimakin shugaban kasa

Anyi taron bikin Amarya Damilola Osinbajo da angonta Oluwaseun Bakare a dakin taro na fadar shugaban kasa dake Abuja

Shugaban kasa Muhammadu Buhari ya jagoranci gwamnoni wajen taron bikin auren diyar mataimakin sa Yemi Osinbajo.

Damilola Osinbajo diyar mataimakin shugaban kasa ta amarce ga angon Oluwaseun Bakare daya daga cikin yaran attajira kuma yar kasuwa Bola Shagaya.

Wannan ya biyo bayan bikin gargajiya na al'ada da aka gudanar ranar 15 ga watan maris a nan zauren Aso villa.

Shugaban kasa tare da matar sa Aisha Buhari sun halarci taron bikin da aka gudanar a dakin taro dake zauren fadar sa nan Abuja.

Gwamnoni da manyan shugabannin adini da  jami'an gwamnati masu madufun iko sun halarci taron bikin don taya mataimakin shugaban kasa murna.