Biki budiri: Diyar Dangote, Fatima zata auri dan tsohon sufeton yan sanda

Jamil matukin jirgin sama zai auri Fatima cikin watan maris na bana kamar yadda muka samu labari.

Diyar attajiirin dan kasuwa kuma dan afrika mafi arziki a duniya Fatima Dangote zata amarce ga rabin ran ta Jamil Abubakar wanda shine dan dan tsohon sufeton yan sanda na Nijeriya MD Abubakar.

Jamil matukin jirgin sama zai auri Fatima wanda take daya daga cikin masu ruwa da tsaki na kamfanin NASCON, cikin watan maris na bana kamar yadda muka samu labari.

A gagarumin taron bikin wanda za'a gudanar a Eko hotel and suites dake jihar Legas ana sa ran tarbar manyan baki da dama masu ruwa da tsaki a fannoni daban daban.

Ciki wadanda zasu halarci wannan kamar yadda rahotanni ta kawo akwai shugabanni kasashe biyar tare da sannannen mai kudi wato Bill Gates na kasar Amurka.

Shi dai wannan bikin zai kwashi yan kallon kuma zai kasance daya daga cikin bukukuwa na alfarma da alfahari da zai gudana bana.

Mu dai muna jira kuma ku kasance tare da mu domin samun karin bayani kan wannan shagalin biki na babban attajirin nahiyar afrika.