Idan baku samu damar kalla ba ka garzaya domin yin haka kafin a shiga sabon shekara domin suna cike da labarurruka masu kayatarwa da nishadantarwa.
Yayin da muke neman yin bankwanan da 2017, ga wasu fina-finan hausa na dandalin kannywood da suka samu ficewa kasancewar yawan jama'a da suka kalla.
Idan baku samu damar kalla ba ka garzaya domin yin haka kafin a shiga sabon shekara domin suna cike da labarurruka masu kayatarwa da nishadantarwa.
Ga fina-finan kamar haka;
1. Mansoor
Hakika masana'antar kannywood ta sauya fasalin shirya fina-finan ta ganin yanda aka tsara fim din "Mansoor".
SHiri ne wanda ke bada labarin Mansoor da Maryam wadanda tun a makaranta suke abota/soyayya. Ganin yanda suka shaku mutane suka tsangwame su. Bayan arangama da suka yi tsakanin juna wanda yayi sanadiyar har aka kori daya daga cikin su anyi ta kai kaho tare da mayar da martani game da aukuwar haka.
Fim din MANSOOR ya tara manyan jarumai irin su Ali Nuhu da Baballe Hayatu tare da Abba Al-mustapha da sabbin jarumai Maryam Yahaya da Umar M.Sheriff.
2. Safara
Isa I. Isa ya dauki nauyin shirin tare da haskawa a cikin ta tare da jarumai kamar su Aina'u Ade da Abba Al-mustapha da Ali Nuhu da Jamila Nagudu da Ladidi Fagge.
"safara" kwaikwayon labari ne wanda ke faruwa a zahiri inda ake safarar mutane a arewacin Nijeriya.
3. Rariya
Daya daga cikin fina-finan tasiri da yayi tasiri bana shine Rariya.
Tana fadarkarwa akan yadda yan matan makarantar jami'a da sauran makarantun kwaleji ke rayuwar kasaita tare da nuna yanayin yadda dalibai ke takama da kayan zamani ta kimiya.
Wannan shirin wanda ya samu kyautar City People ya samu fitowar manyan yan wasa a cikin ta kamar su Rahama Sadau da Maryam Booth da Ali Nuhu da Sadiq Sani Sadiq da Fati Washa tare da Hafsat Idris.
Yaseen Auwal ya bada umarni kana Rahama Sadau ta dauki nauyin shirin.
4. Auren Manga
Shirin barkwanci wanda fitattun jarumai suka nuna gwanintar su a ciki yana ciki wasannin barkwanci da ya kamata ka kalla kafin ayi bankwana da shekara.
Falalu Dorayi ya bada umarnin shirin tare da fitowa a matsayin jarumi a ciki tare da Hadiza Gabon da Adam A.Zango da Suleiman Yahaya Bosho.
5. Kalan Dangi
Shiri ne wanda ke nuna Soyayya tare da karya da samun farin jini.
Wannan shirin ya hada jarumai kamar haka, Ali Nuhu da Sadiq Sani Sadiq da Fati Washa da Aminu Sheriff Momo da Aisha Aliyu Tsamiya wanda ta dauki nauyin shirya shirin.